Leechsjtoet

In 1994 trok de ièrste leechsjtoet door de Baeker sjtraote. 'T is eine sjtoet van mit lempkes verseerde vastelaoveswaages. Doordat alle sjtraotverlichting oetgeit tiejens de sjtoet, geuf dit sjus zwao-ein betauverend effect ès de bekénde sjtoet van EuroDisney! 

`T idee is ontsjtange bie de Auwt Prinse van Baek om de laeglaup van de kinjeroptocht op zondig teage te gaon. Ze organiseerde eine leechsjtoet mit zwoa-ein 30 deilnummers die allemaol ein deil lempkes op hunne waege heije gemonteerd.

De létste jaore kômme d'r gemiddeld zwoa-ein 30.000 luuj kieke nao de leechsjtoet en is deze ein begrip gewoore in Zuid-Limburg.
De leechsjtoet sjtart om 19.00 oer en doert ruim angerhauf oer. De entree is gratis!


Insjrieve Leechsjtoet
Insjrieve veur de Leechsjtoet geit alleein via de Sjtichting Leechsjtoet.
Mjèr informatie hiereuver vingk geer op de officiele website: www.lichtstoetbeek.nl

Aankommende aktiviteite

Insjrieve digitale nuutsbreef