Ôngersjeiïnge

Kétting "Raod van Élf"
Hievan zin momenteel 13 sjtuks vervaardigd mit de inscriptie: “Raod van Élf”. Veur de vors is d’r einzelfde medaille, mèr dan mit de inscriptie: “Vors”. Veur de sikkretaris is d’r ein medaille gemaak mit de inscriptie “Geheimsjriever”, veur de penningmeester ein mit de inscriptie “Klamottebewaarder”.
Dees kétting is en blief eigendom van de vereiniging; dus bie beëindiging van 't lidmaatsjap deent dees kétting ingeleverd te waere. 

 

 

Hoesorde "Groate Kebeijer"
Dees medaille is vervaardigd in 1985, volgens de maker Hommel oet Kérkrao. Van dees medaille zin momenteel 12 sjtuks binne de Raod van Élf in omloup. Dees medaille is ès hoesorde auch euverhandig gewoore aan de hjère Fred en Jean Romans veur de insjpanninge die zie veur ôzze vereiniging höbbe gedaon. Dees medaille is, in dae tied, auch ès persoonlik bezit euverhandig aan alle leeje van de Raod van Élf. Zie mochte zelf bepaale of dees medaille binne de vereiniging bleef. Dees orden zin noe eigendom van de vereiniging; dus bie beëindiging van ‘t lidmaatsjap deent dees kétting ingeleverd te waere.


Kebeijer/Graffiaot
Dees ôngersjeiïnge zin de hwoagste in rang binne de Baeker Pottentaote. De Kebeijer is de ôngersjeiïng veur de Pottentaote en de Graffiaot is dezelfde orde veur de Pottentaotinnekes. Dees waere allein nog oetgereik bie de installatie aan de nuuje prins en bie installatie van ein nuuj lid van de Raod van Élf. De anger persone, die veur dees ôngerscheiïng in aanmerking kômme, deene ein mjèr ès gemiddelde inzat veur de vereiniging te höbbe gedaon, en waal veur mjèrdere jaore. Nao ôngerling euverlégk ként 't Dageliks Besjtuur besjleete dees ôngerscheiïng toe te kénne. 

Sjalevaeger/Junkerke
Dees ôngerscheiïnge zin de middelste in rang binne de Baeker Pottentaote. De Sjalevaeger is de ôngerscheiïng veur de Pottentaote en het Junkerke is dezelfde orde voor de Pottentaotinnekes. Hieveur deent nog ein ôngerscheiïng ontworpe te waere, en bekeeke te waere welke persone hieveur in aanmerking zulle komme. 


Wuiles/Meizoentje
Dees ôngerscheiïnge zin de ljiègste in rang binne de Baeker Pottentaote. De Wuiles is de ôngerscheiïng veur de Pottentaote en het Meizoentje is dezelfde orde voor de Pottentaotinnekes. Dees ôngerscheiïnge waere oetgereik aan de jeug. Zwoa wurt dees ôngerscheiïng oetgereik bie de installatie van de nuuje jeugprins. De anger persone, die veur dees ôngerscheiïng in aanmerking kômme, môtte ein mjèr ès gemiddelde inzat veur de jeug höbbe gedaon, veur mjèrdere jaore. Nao ôngerling euverlégk ként 't Dageliks Besjtuur besjleete dees ôngerscheiïng toe te kénne.


Ièrelidmaatsjap
Veur 't ièrelidmaatsjap van de vereiniging te verkriege, deent men 22 jaor of mjèr deil te höbbe oetgemaak van de Raod van Élf. De jaore die men zich op anger wieze, bieveurbeeld ès lid van 't optoch-/reigelingscomité of de Baeker Hofkapel, waere neet opgetéld bie de jaore van lidmaatsjap bie de Raod van Élf.
De 22 jaor zin dus puur gebaseerd op de jaore die men ès lid van de Raod van Élf haet volbrach. Bie de toekénning van het ièrelidmaatsjap van de Baeker Pottentaote, zal de persoon in kwestie ein oorkonde en 't biebehuèrende sjuutje (wit mit blauwe rand) ontvange.

Ièrelede van de Baeker Pottentaote:
Pierre Cobben †
Jean Wouters
Pierre Smeets †
Frits Mennens
Balt Debeij
Jo Dabekausen
Theo van Mulken


Orde van Verdeenste (SLV)
Dees ôngerscheiïng ként allein door de vereniging aangevraog waere bie 't SLV. Dees ôngerscheiing wurd toegekénd aan ein lid, ès deze 11 jaor deil oet maak van de Raod van Élf.

Eise van 't SLV:
Het besjtuur van de Saamewirkende Limburgse Vastelaovesvereiniginge ként op veurdrach van ein lidvereiniging, de Orde van Verdeenste toekénne aan ein persoon op grond van langdoerige (bie voorkeur minimaal 11 jaor) mjèr dan gemiddelde verdeenste veur dees lidvereiniging.

 

Zilvere Buut (SLV)
Auch veur dees ôngerscheiïng geldt, dat dees allein door de vereiniging aangevraog ként waere bie 't SLV. Dees ôngerscheiïng wurd toegekénd aan ein lid van de Baeker Hofkapel, ès hae of zie 11 jaor deil oet maak van de hofkapel.

Eise van 't SLV:
Het besjtuur van de Saamewirkende Limburgse Vastelaovesvereiniginge ként op veurdrach van ein lidvereniging, de Zilvere Buut toekénne aan eine persoon of groep van persone op grond van langdoerige (bij voorkeur minimaal 11 jaor) groate artistieke verdeenste veur de lidvereniging.

Prinsemedaille
Dees prinsemedaille wurd jaorliks vervaardig in opdrach van de Vors van de Raod van Élf. Dees medaille wurd door de vereiniging aan de regerende prins uitgereik, op 't prinsenbal dat ter ière van häöm wurd gehauwte. 

 

 

 

Prinselijke ôngerscheiïng
In het verleeje woord de Kebeijer ès prinselijke ôngerscheiïng aan ein eeder euverhandig. Om de Kebeijer zien waerde trök te gaeve, is vanaaf 't vastelaovessezoen 2001-2002 besjlaote, dat eedere prins zien eige prinselijke ôngerscheiïng ljaet maake. De prins bepaald dan auch zelf, wae van zien femilie, vrunj en bekénde veur dees ôngerscheiïng in aanmerking kômme. 'T is gebroekelijk, dat eeder lid van de Raod van Élf dees ôngerscheiïng ontvingk. Daonaeve is 't auch gebroekelijk, dat bie eeder te bezeuke prinsereceptie dees ôngerscheiïng euverhandig wurd aan ziene collega-prins. 'T ontwerp van dees medaille deent waal ter goodkeuring te waere veurgelag aan het Dagelijks Besjtuur.

Representatie sjpang
Dees vereinigingssjpang (rechhookig héngerke mit dao-aan 't embleem van de Baeker Pottentaote) woord vreuger ôngermjèr oetgegaeve aan jubilarisse van collegavereiniginge.

 

 

 

 

 

Lemmens-orde
Dees orde (ronde sjpang mit 't vereinigingsembleem) is verneump nao de vrouw van köster Alex Lemmens, die taege häöre man zei in 1886: “Doe bès eine Pottentaot”! Dees ôngersjeiïng wurd momenteel gebroek, veur decoratie van ôngermjèr jubilarisse van collegavereinigingen en veur persone die ein mjèr ès biezôngere inzat höbbe gedaon veur de vereiniging.

 

Vereinigingsvaenke
Eeder jaor wurd ein uniek vaenke oetgegaeve mit ein typerende aafbeelding oet Baek. Dees vaenkes waere uitgereik aan sjponsore, persone of vereiniginge en bie horecagelegenhede de sjponsore. Tevens waere dees uitgereik aan persone of vereiniginge, die zich dat jaor verdeenstelijk höbbe gemaak voor de Baekse vastelaovend.

 

 

 

 

Damesmedaille
De laevenspartner van de Raod van Élf leeje kriege ein eige ôngersjeiïng uitgereik door de Vors bie 't installere van hunne partner ès Raodslid. Dees blief echter waal eigedom van de vereiniging.

 

 

Pin recepsie
Deze pin/sjpang, wurd uitgegaeve aan de bezeukers van de jaorlijkse prinserecepsie. In de beginjaore van oetgifte, woord de kleur van het vereinigingsembleem jaorlijks verangerd. Vanaaf ’t jaor 2005 is d’r veur gekaoze de kleur van ’t vereinigingsembleem in de originele kleur te laote en het jaortal in kleur te verangere.

Aankommende aktiviteite

Insjrieve digitale nuutsbreef